دوس الورد وانته اتشوف
عطر الورد ماینداس
عطرک یضل بیک ایطوف
یلماشفت حنه ویاس
لیلة حنتک ذبلت وردتک
عطر الورد ماینداس
*** *** ***
من عطر وردک عطر جنة خلودک
ماخفو عطرک تره الداسو ورودک
انته ربک بیک یتباهه ابسجودک
بیده راسم عالعرش لوحة وجودک
من داستک خیل اعداک
بیک العطر ضل فواح
ولهل زمن ضل ویاک
باقی العطر لا ما راح
ذبحو فرحتک لیلة حنتک
عطر الورد ماینداس
*** *** ***
عین ماشافت فرح لیلة فرحها
روح طارت گبل لایکبر جنحها
شمس غابت بالفجر ویه صبحها
غیره بأیام المحن غزر ملحها
نور النبوه المنطیک
های الصفه امن الکرار
والغیره من صعدت بیک
کتلتک یبن الابرار
صعدت غیرتک لیلة حنتک
عطر الورد ماینداس
*** *** ***
النساء الگصن اچفوف النبیهن
من جماله وفقدن ابیوسف وعیهن
لو وکتهن طالع القاسم علیهن
چان گصن روسهن موبس
ایدیهن
هذا الجمال المکنون
ماینوجد بین الناس
ماشفنه منهن بالکون
وجهک او وجه العباس
حاضر زفتک لیلة حنتک
عطر الورد ماینداس
*** *** ***
صوره من نور الحسن بالطف لگوها
بلسیوف املاک ربک صوروها
عالبقیع ابغیر حایط علگوها
و بالطفوف اهل المکارم ودعوها
صوره انته الک وسط العین
صورها داعی الایمان
صوت الوحی ادموع احسین
أیّدها نور القرآن
نزلت آیتک لیلة حنتک
عطر الورد ماینداس
*** *** ***
انی لو هسه ابگلب زینب واشوفک
مستحیل اتحمل افراگک واعوفک
اشلون گدرت عمتک تحمل ضروفک
یاجرح مو بالسهل عاشگ یروفک
یالغالی جرحک ماطاب
باقی ابضمیر الوالاک
بالگلب نشتم عطاب
من سبب نار العاداک
ناحت عمتک لیلة حنتک
عطر الورد ماینداس
*** *** ***
امک التاریخ واجب من یمرها
ینزل الرجلینها ویذکر صبرها
انی ماشایف مره اتقدم ذخرها
للمنیه وینذبح زهرة عمرها
من زفتک لأرض الموت
توفی الحسن وی احسین
مهظومه واتنادی ابصوت
للغالی وفیت الدین
امک نادتک لیلة حنتک
عطر الورد ماینداس
*** *** ***
کل شباب انشوفه نتذکر عذابک
اهوای عدنه اورود ذبلت وی شبابک
لاحملناهه ولانحمل غیابک
بالمصاب امصابهم یشبه مصابک
دم الشباب المغدور
من طفک الیوم انعاد
دمک ودمهم مهدور
من الاجداد واحفاد
غدرو شیعتک لیلة حنتک
عطر الورد ماینداس
*** *** ***
للشاعر:ناظم الحاشی
الکلمات البحثیه:
