القصاید الحسینیه شبــاب العبــاس
| ||
|
ازور سیدی ومولای بلیله الجمعه وادری الزچیه اتزور ویای بلیله الجمعه رب العزه بالطف زاحم املاکه طواف الجمعه بالطف فارضه اهناکه گبر احسین جنه ویصعب ادراکه تسوه الدنیه لزمه باب شباکه جبریل خادم بالصحن جای یخدم البضعه وادری الزچیه اتزور ویای بلیله الجمعه *** *** *** اباب القبله تسجد روحی معتاده عبد والعبد ابحضره اسیاده اجه اسرافیل للطف یطلب امراده وفطرس بالصحن مد جنحه سجاده وایگول تربه کربله ادوای للحبیب اسعه وادری الزچیه اتزور ویای بلیله الجمعه *** *** *** نزل رضوان للطف مختنگ صدره یفک باب الحسین وتدخل الزهره میکائیل یکنس شفته بالحضره دعه ابامن یجیب وانکشف ضره واگف عله الباب ویصب مای ناذر ایوزعه وادری الزچیه اتزور ویای بلیله الجمعه *** *** *** الگبر احسین والراعی العلم گصده وعلی عتبتهم اقره ایه السجده ماخاب السعه والهم یمد یده بین الحرمین اشمحله هالگعده اتحسدک الدنیه الگعدتک های منزله ورفعه وادری الزچیه اتزور ویای بلیله الجمعه *** *** *** اشمحله العمر لوفی کربله یگضی وکلما رفت الرایه یدگ نبضی بالصحن الحسینی تاذیه فرضی واذا بالطف اموتن یاگبر حظی اویه احسین اسولف ضیم دنیای المشتکی ایسمعه وادری الزچیه اتزور ویای بلیله الجمعه *** *** ***
لیله الجمعه واشواگ الگلب تحدی باب احسین واگف وگفه امجدی دعا الفرج اقره ودمعتی ابخدی عسه ابکن لولیک یرجع المهدی یاربی طالت غیبته اهوای عجل الطلعه وادری الزچیه اتزور ویای بلیله الجمعه *** *** *** لشاعر کرار حیدر الخفاجی الکلمات البحثیه: |
|
جمیع حقوق هذه الموقع محفوظه للنشر
|