یادنیه الندامه   صبرچ عله الیتامه

عرش الله یهتر لو نزل دمع الیتیم

کل شی حسبته ومستعد للدمع

کل فتره  دلالی ابخبر ینصدع

بس ما اجه ابالی علی ینصرع

حبل الله واشلون الحبل ینگطع

یابوالفه دخیلک    مستعجل ابرحیلک

ینده دخیلک یا علی صوت الیتیم

***  ***   ***

زینب حزینه وتنتظر جیته

ساعه واجاها مخضب وشافته

صاحت یبویه وارکضت او شبگته

ینزف دمعها وی دمه هامته

 من تنحب اعله صدره     حته الحجر تفسره

یا حیدر ایفسرالحجر ون الیتیم

***    ***   ***

یازینب وغیم المخاطر لفه

ایس طبیبه وجرحه ماله شفه

ظنیتی دهرچ بلزچیه اکتفه

منا یزینب تبتدی العاصفه

یا عاصف المصیبه     صبرک عله الحبیبه

باچر یزینب ینفجر صبر الیتیم

***    ***   ***

نادت یبویه من یسد خلتک

من یحمی زینب یا علی ابغیبتک

ناده یبوفاضل دمد یمنتک

بویه امانه زینب ابرگبتک

لاینضرب متنها     لاینترک ظعنها

یجرحنی لو من الخطر صاح الیتیم

***    ***   ***

گله یحیدر زینب ابذمتی

محد یمسها حد گطع رگبتی

روحی العزیزه فدوه دون اخوتی

بویه ورضا زینب یظل غایتی

خل تشهد الودیعه  موعدنه عالشریعه

یوم اعله جسمی تعاین اعیون الیتیم

***    ***   ***

ریتک یحیدر بالطفوف اتحضر

وتشوف ابن جوشن یحز بالنحر

وشکم ضلع من الحبیب انکسر

کل حافر ابصدره یخلی اثر

واطفاله بالبوادی    یابالحسن تنادی

یا ویلی یکسر یا گلب حال الیتیم

***    ***   ***

لو تنظر الزینب یحامی الحمه

کل الیشاهدهه یسب فاطمه

تنده یبوفاضل انا ابموزمه

وحدی یخویه والعده ناقمه

لا ما اجو اهلها  وتعذر الکفلها

خل یصبغ اوجوه الابل دم الیتیم

***    ***   ***

لشاعر السید عبدالخالق المحنه