|
القصاید الحسینیه شبــاب العبــاس
| ||
|
مواقع المهمه
طراح القالب  |
حجابی حجابی یادمعک یهل لمصیبتی اسمع جوابی مو ضلعی المهم چان الاهم عندی حجابی ستری وستر دینی اغله من جنینی های الضربوا امثال ابسترها وبعد جنح الوحی یمسح اثرها ورده وبالعرش ثابت جذرها نشم ریحت الباری من عطرها لکن اهل الارض جهلوا قدرها تموت الورده لو حاقد سطرها فاجئنی النذل واتحجبت بثنین ادیه لو میته ولا عین اجنبی تنظر علیه والسطره اعله عینی اغله من جنینی *** *** *** انا لمن دنه الظالم الیه تمنیت السمه توگع علیه ابحجابی فکرت موبالمنیه رساله للنسا الجعفریه حیا المراه من الله هدیه واذا ماتنستر مو فاطمیه انی فاطمه وکلمه عهد اثبت علیها کل امحجبه او ما خالفت اتباهه بیهه وللی ترتضینی اغله من جنینی *** *** *** یشیعیه اسولفلچ وسمعی اذا زلیتی عن الخط ارجعی انا ونیت مو من کسر ظلعی بچیت وخایفه ایشوفون دمعی اون واسمع ابسمار ینعی کسر گلبی علی من شاف وضعی مگیوده ودمع عینه بده یبدی اعتذاره موسهله علی حامی الحمه ما سل فقاره حیدر ما یجینی اغله من جنینی *** *** *** انا اسطوره وفه وربیت اساطیر شبه حیدر اسولف همی للبیر مثل ماچنت اریده المجتبی ایصیر تقول اعیونها ونقره التعابیر نفس چف الکتب غدر البسامیر سقاه سم اوجرح آیه التطهیر ربیت الحسن وادری الحسن سبط الهدایه حته المسلمه تعرف ثمن درس الولایه بالخالق یقینی اغله من جنینی *** *** *** حبیبی احسین ربیته اعله صدری انه ابدمه سریت وبیه یسری گبل ماگول اهوه ایگلی ادری گبل لا ابچی یمه دمعه یجری سئلنی مره من یعله اعله قدری جاوبته یغالی الاغله خدری شفته ابکربله وبمصرعه انی حضرته حز راسه الشمر لکن بگت عینه اعله اخته عندی کل بنینی اغله من جنینی *** *** *** تاذینی ترا الیطلع ظفرها ابد ماکو عذر ارفض عذرها تعالی الزینب وشوفی خدرها انا الربیتها وسری ویه سرها بقت ام الخدر حتی ابیسرها ستر عرش الله یخجل من سترها صاحت مو مهم سوط الشمر حتی مماتی بس عندی المهم تبقه عله راسی عباتی والتشعر ونینی اغله من جنینی *** *** *** اشوف البالحرب ضحت ابنها دفاعا عن علی طاهر لبنها تجی رمله تواسیها ابحزنها واذا ونت تون لیله عله ونها های الضحت الغالی الوطنها وعد منی اجی ابساعه دفنها شبان المشوا للمعرکه کلهم غیاره نصروا فاطمه ونصروا علی وبکل جداره شاب الیفتدینی اغله من جنینی
لشاعر السید عبدالخالق المحنه
الکلمات البحثیه: |
کلمه الموقع  ستقوم شباب العباس بکتب القصاید الحسینیه للحاج الملا باسم الکربلایی لتخدم خدام اهل البیت وعشاق باسم الکربلایی مشرف الموقع : خادم اهل البیت فاعل الخیر whatsapp: 09306045498 09168426117
امکانات الموقع 
|
|
جمیع حقوق هذه الموقع محفوظه للنشر
| ||
