مرکب مصایبنا رسه یلاهی
دعوت یتیم ابهل مسه یلاهی
یارب الارباب
ردقالع الباب یلاهی یلاهی
_____________________
ربی بلدمعه الیتیم اتلگه عیده
یایتیم الیفرح اخلاف الصمیده
والله وسفه شوفت الغالی بعیده
حیدر ایروح و یضل
الما اریده
یاربی خل یرجع علی دخیلک
بس هوه بلدنیه الی دخیلک
وهوای الاسباب
رد قالع الباب
یلاهی یلاهی
_____________________
ابقه ادعو یا الاهی ابکل مسیه
بلکی یرجعلی علی حامی الحمیه
من یجی غیره بعد یسأل علیه
ربی من بعد الصمیده اشلون بیه
منهو یدگ بابی بعد یحیدر
والغالی عن عینی ابتعد یحیدر
والله الگلب ذاب
رد قالع الباب
یلاهی یلاهی
_____________________
الحاجه من حیدر فلا
بیها مذّله
چان یطعمنی گبل مایطعم اهله
من یروح الحیدر ابحالی یگله
انتظر علباب والمدمع
اهله
گله یبوحسین اصبحت حیاتی
من سافرت عنی انتهت حیاتی
وعیونی محراب
رد قالع الباب
یلاهی یلاهی
_____________________
چان کل لیله یجینی ببتسامه
احنه نمنه وهو لیله ماینامه
ربی یل ردیت یوسف بلسلامه
خل یرد حیدر علی الهای الیتامه
یاربی وینه ابالحسن نریده
یحمینه من هذا الزمن نریده
یذبحنی الغیاب
رد قالع الباب
یلاهی یلاهی
_____________________
خاطری مکسور وچفوفی ارفعتها
دنیه های اخلاف حیدر ماردتها
گبل روحه لیش ما روحی خذتها
دمعتی حره وغربتی استَعبدتها
خلاهه لیل ابلا صبح
غیابه
کل لحظه یجرحنی جرح غیابه
للسأل اجواب
رد قالع الباب
یلاهی یلاهی
_____________________
وی دمع زینب جره دمع المصیبه
احنه کل واحد بچَه الفرگت حبیبه
ربی یارحمان ابو زینب تجیبه
انه ادری ابکربله تبقه غریبه
زینب بعد ذاک الخدر سبیه
یاوسفه یاخذها الشمر سبیه
والحادی سلّاب
رد قالع الباب
یلاهی یلاهی
_____________________
والیتیم ابکربله محد یحضره
بلحوافر یاوسف ینداس صدره
والیشاهد ذبحت اهله من یصبره
والگلب من ینکسر انته التجبره
کل اخوتچ راحو چتل یزینب
روحی سبیه اعله الهزل یزینب
بدموع العتاب
رد قالع الباب
یلاهی یلاهی
_____________________
استشهاد امیرالمومنین(ع)
حسینیة داود العاشور
البصره(ابوالخصیب)
عام 1435
اداء:ملاباسم الکربلائی
الشاعر:سیدعبدالخالق المحنه
الکلمات البحثیه: