لیله اوداع یـــعباس      موسهل جرح الاحساس

بعدک ایشیب الراس        لیله اوداع یـــعباس

قصه احزان و دمع عینی کتبها

گلبی یم زینب مشه ایواسی گلبهه

ماگدرت لخیمه العباس اطبها

بجانب الخیمه اگعدت واسمع عتبهه

اتگله یا اغله الاحباب        اوداعک ایبچی التراب

ضاگت ابصدری الانفاس        لیله اوداع یـــعباس

***      ***        ***

لزمت ایده ونادته مجبوره اعذرک

کلشی هین بس لی ایبچینی هجرک

یعنی باچر بالمخیم مانظرک

خویه تسمحلی ارید اغفه اعله صدرک

یا گمر لمن اتروح       ابقه بس دمعه واجروح

بیا صبر صبری ینقاس   لیله اوداع یـــعباس

***   ***   ***

ماتحمل ضمها بچفوفه السخیه

من البچی غرگ حجاب الهاشمیه

اتگله خویه اعلیک ضلع امی الزچیه

کافی تبچی غالیه ادموعک علیه

انته بالغیره معروف     ارد اقبل هالچفوف

اچفوفک الطیبه تنباس    لیله اوداع یـــعباس

***   ***   ***

ویلی من باچر وباچرتنظر العین

ابلایه راس احسین ونته ابلایه چفین

صوت کسر اضلوعه یوصل للصواوین

وبالحوافر لیه یرجع ثوب الحسین

تغسل ابنحر الدموع     وخنصره اگبالی مگطوع

بعشره خیاله ینداس    لیله اوداع یـــعباس

***   ***   ***

انه اسکت واترک ادموعی تحاچیک

چلمه عندی خاف احچیها وابچیک

لو ضربنی الشمر باچراعتب اعلیک

اصعد اعله التل زحف وبصوتی انادیک

یا ملاذ السماوات        ابلا خیم تقبل انبات

وحدی ماعندی حراس     لیله اوداع یـــعباس

***   ***   ***

الهاشمیه اسمی مادام انت یمی

وبغیابک زینب المسبیه اسمی

خویه من طاری الیسر ینهار عزمی

ایچفتون ایدی ویخضب الناگه دمی

صعبه یا قره العین   وگفتی بالدواوین

عنک اتناشد الناس   لیله اوداع یـــعباس

لشاعر کرار حسین الکربلایی